Tuesday, March 2, 2021
- Advertisement -
Home උණුසුම් පුව​ත් රුපියලේ අගය වාර්තාගත ලෙස පහළට

රුපියලේ අගය වාර්තාගත ලෙස පහළට

රුපියලේ අගය වාර්තාගත ලෙස පහළට

ශ්‍රී ලංකා රුපියලේ අගය වාර්තාගත ලෙස පහළ ගොස් ඇතිබව මුදල් වෙළෙඳපොළේ නවතම දත්ත අනුව පෙනීයයි.

ශ්‍රී ලංකා මහ බැංකුවේ දෛනික විනිමය අනුපාත සටහන අනුව අද (20) දිනයේ දී අමෙරිකානු ඩොලරයක ගැණුම් මිල රු. 192.85 ක් හා විකුණුම් මිල රු. 198.26 ක් ලෙස සටහන් විය.

දිගින් දිගටම මෙලෙස ඩොලරයේ රුපියල් අගය ඉහළ යාමට හේතුව ආනයන සඳහා ඇති ඉල්ලුම ඉහළ යාම බව ඊයේ (19) පැවති මාධ්‍ය හමුවක දී ශ්‍රී ලංකා මහ බැංකුවේ නියෝජ්‍ය අධිපති ධම්මික නානායක්කාර මහතා පැවසීය.

ඒ මහතා කියා සිටියේ, ඩොලරයේ අගය ඉහළයාම සම්බන්ධයෙන් බැංකු සමඟ කටයුතු කරමින් සිටින බවත්, ඉදිරියේ දී පීඩනය යම් මට්ටමකින් සමනයවනු ඇතැයි බලාපොරොත්තු වන බවත්ය.

“ශ්‍රී ලංකා මහ බැංකුව මේ සම්බන්ධයෙන් පියවර කිහිපයක් ගැනීමට බලාපොරොත්තු වෙනවා. දැනටමත් බැංකු සමඟ ඒ සම්බන්ධයෙන් අදහස් හුවමාරු කර ගනිමින් සිටිනවා. විශේෂයෙන් අපි දැක්කා පසුගිය දින කිහිපය තුළ රට තුළට ආනයනය කරන භාණ්ඩ සඳහා විදේශ විනිමය සම්බන්ධයෙන් විශාල ඉල්ලුමක් පැවතුණා. ඒ භාණ්ඩ ආනයනය සඳහා වූ විදේශ විනිමය අවශ්‍යතාවය මත තමයි බොහෝ විට විනිමය සම්බන්ධයෙන් පීඩනයක් ඇති වී තිබුණේ. ප්‍රේෂණ හරහා රටට එන මුදල් ප්‍රමාණයේ යම් වැඩිවීමක් සිදුව තිබෙනවා. නමුත් එදිනෙදා රට තුළට ගලා එන ප්‍රවාහයට වඩා ආනයන සම්බන්ධයෙන් ඇතිවන ඉල්ලුමේ ඉහළ යාමක් නිසා තමයි මේ ආකාරයේ පීඩනයක් අපි දැක්කේ. මෙය යම්කිසි තාවකාලික තත්ත්වයක් කියලා අපි හිතනවා. ඊට අමතරව රජයට යම්කිසි විශාල ප්‍රමාණයේ මුදල් ප්‍රවාහයන් ලබා ගැනීමට ඇති තත්ත්වය සැලකිල්ලට ගන්නා විට මේ තිබෙන පීඩනය යම් මට්ටමකින් සමනය වනු ඇතැයි අපි බලාපොරොත්තු වෙනවා.“

Most Popular

ජනාධිපතිගේ සෞභාග්‍ය යේ දැක්ම ප්‍රතිපත්ති ප්‍රකාශයට අනුව ශ්‍රී ලංකාවේ පළමු දේශිය වෛද්‍ය විශ්ව විද්‍යාලය ඇරඹේ.

ජනාධිපතිගේ සෞභාග්‍ය යේ දැක්ම ප්‍රතිපත්ති ප්‍රකාශයට අනුව ශ්‍රී ලංකාවේ පළමු දේශිය වෛද්‍ය විශ්ව විද්‍යාලය ඇරඹේ.විශ්ව විද්‍යාල  පද්ධතිය පුළුල් කිරීමට හා විශ්ව විද්‍යාලයට...

පාස්කු කොමිසමේ වාර්තාව ගැන සෑහිමකට පත් වෙන්න බෑ. ප්‍රහාරයේ මහා මොළකරුවන් සගවලාදැයි සැකයි. ඇමති ප්‍රසන්න

පාස්කු කොමිසමේ වාර්තාව පිළිබද ව සෑහිමකට පත් වීය නොහැකි බවත් පසුගිය යහපාලන රජය විසින් පත් කළ මෙම කොමිසමේ වාර්තාවෙන් ප්‍රහාරයේ මහා මොළකරුවන්...

පළාත් සභා මැතිවරණය ජූනි මාසයේ.

වසර කිහිපයක් තිස්සේ කල් යමින් පවතින පළාත් සභා මැතිවරණය එළඹෙන ජූනි මාසයේ දී පැවැත්වෙනු ඇතැයි රජයේ ආරංචි මාර්ග සඳහන් කරයි.

සියලු කාර්මාන්තශාලා සේවක සේවීකාවන්ට කොරෝනා එන්නත් ප්‍රමුඛතාව ඉල්ලයි

සියලු කාර්මාන්තශාලා සේවක සේවීකාවන්ට කොරෝනා එන්නත් ප්‍රමුඛතාව ඉල්ලයි..කොවිඩ් එන්නත ලබා දීමේ දී දිවයිනේ සියලු කාර්මාන්තශාලා සේවක සේවීකාවන්ට ද ප්‍රමුඛතාව ලබා දෙන්න යැයි...